gototopgototop
  1. Skip to Menu
  2. Skip to Content
  3. Skip to Footer>

Девич

Девина кула

Mожност да се доживеат легендите за Крали Марко.

Езеро Козјак

Езеро Козјак

Козјак е најголемо вештачко езеро во Европа, долго 32 километри.

Пештерата Пешна

Пешна

Пешна се смета за една од пештерите со најголеми отвори на Балканот.

Известување за правните и физичките лица кои користат јавни површини пред деловни објекти

PDFПечатиЕ-пошта

Напишано од Општина

Испратено на 09 Април 2015

Сподели

Се известуваат сите правни и физички лица кои имаат потреба од користење на јавни површини, заради поставување на сезонска опрема за вршење на трговија од мал обем или угостителска дејност (летни бавчи), пред своите деловни објекти на територијата на Општина Македонски Брод да достават Барање до Општина Македонски Брод - Одделение за комунални дејности, најдоцна до 20.05.2015 година заради добивање на Одобрение за користење на јавна површина.

После овој рок ќе се врши редовна контрола и ќе се превземаат мерки предвидени со Закон за противправно користење на просторот пред деловни простории за вршење на дејност.

При вршење на надзорот доколку се утврди дека корисникот на јавната површина нема Одобрение, општинскиот орган ќе го задолжи со Решение да ја отстрани опремата од јавната површина во рок од два дена.

Во случај опремата да не се отстрани во определениот рок истата ќе ја отстрани надлежната служба на општината.

При непочитување на условите утврдени во одобрението, истото на корисникот ќе му биде одземено.

Велигденска честитка

PDFПечатиЕ-пошта

Напишано од Општина

Испратено на 08 Април 2015

Сподели

alt

Почитувани граѓани,

Со особена радост и задоволство во пресрет на празнувањето на најголемиот христијански празник ХРИСТОВОТО ВОСКРЕСЕНИЕ - ВЕЛИГДЕН, кој со својата неповторливост повеќе од две илјади години е темел на христијанството во светот, дозволете ми на сите христијани, да Ви го честитам ВЕЛИГДЕН и да Ви посакам здравје, благодет, Христова љубов, а на сите граѓани спокој во својот дом и во сечие срце. Возвишен е овој ден зошто е празник на животната радост и од кој што извираат љубовта и надежта. За да го доживееме и ние воскресението Христово, потребно ни е да се вплотиме во вистината и правдата, да растеме во љубовта и благочестието, во трпението и милосрдието - да живееме во верата со добри дела. Само доколку нашиот живот го красат такви добродетели тогаш сме ја разбрале смислата на нашето постоење. Прославувајќи го Христовото воскресение ја славиме безусловната љубов и мирот меѓу сите луѓе на светот. Затоа да бидеме благодарни на Неговата милосрдност и бескрајна љубов. 

Нека ни е честит Великиот ден - Воскресението Христово и нека Господ не дари со сила, верба и благослов, за да го сочуваме, негуваме она што ни го дал како наследство, чекорејќи по тој пат праведно, одговорно и чесно. Нека е за многу години големиот празник! ХРИСТОС ВОСКРЕСЕ!!!

                                                                       Градоначалник,

                                                                    Милосим Војнески

Известување

PDFПечатиЕ-пошта

Напишано од Општина

Испратено на 03 Април 2015

Сподели

По повод големиот христијански празник Велигден, во Домот на култура „Македонски Брод“ на ден 09.04.2015 година во 12:00 часот ќе биде поставена изложба „Велигденско јајце“.

По истиот повод на 13.04.2015 година (Втор ден Велигден), Домот на култура „Македонски Брод“ во соработка со општина Македонски Брод ја организира манифестацијата „Велигденски кули“.Настанот ќе започне во 13:30 часот со Дефиле на културно-уметнички друштва од пред Домот на културата до црквата.Потоа во 14:00 часот е носење на Велигденските кули.

Во 15:00 часот следува концерт на културно-уметнички друштва со место на одржување на игралиштето во Средното општинско училиште или во салата на Домот на култура во зависност од временските услови.

Повелете, присуствувајте на манифастацијата. 

Известување за Новогодишно украсување на дворови

PDFПечатиЕ-пошта

Напишано од Општина

Испратено на 05 Јануари 2015

Сподели

alt

alt

И З В Е С Т У В А Њ Е

Општина Македонски Брод, Ве известува дека по објавениот Повик за новогодишно украсување на дворовите во пресрет на Новата 2015 година, изврши избор на три односно четири најубаво украсени дворови и објекти.

Со задоволство констатираме дека најубаво украсени дворови и објекти се во сопственост на следните лица:

1.место: Ленче Илијоска, ул.„Браќа Миладиновци“ бр.21 М.Брод

2.место: Кристи Магно Трајкоски, ул.„Илинденска“ бб М.Брод

3.место: Румена Михајлоска, ул.„Иво Лола Рибар“ бр.1 М.Брод и

     Оливер Цветкоски, ул.„Ѓуро Ѓаковиќ“ бр.1 М.Брод

СРЕЌНА НОВА ГОДИНА

PDFПечатиЕ-пошта

Напишано од Општина

Испратено на 30 Декември 2014

Сподели

alt

 Почитувани сограѓани,

Последните денови од годината што одминува секогаш даваат можност за ретроспектива на она што сме сработиле, постигнале и исполниле во нашиот заеднички дом - Општина Македонски Брод.

Привилегија беше, но и голем предизвик да се раководи со Општина Македонски Брод во изминатава година како и претходните, наспроти сите економски потешкотии во земјава и надвор од неа.

Македонски Брод е изменет како во поглед на урбаниот лик така и во квалитетот на понудените услуги. На граѓаните им се понудени услуги со цел полесно да ги задоволат своите барања кои се во надлежност на општината, а тоа значи дека како Градоначалник, како општинска администрација и како Совет на општина, не само што сме излегле во пресрет на нивните потреби туку и сме отишле чекот понапред, било да се работи за процесот на продажба на градежно земјиште или за решавање на комунално-патните инфраструктурни проблеми.

Во 2014 година со повеќе активности настојувавме да ја зачуваме и унапредиме животната средина, да обезбедиме урбанизација на просторот и на заинтересираните инвеститори им понудивме поволни услови и градежни парцели, а ја продолживме и континуираната соработка со бизнис заедницата и невладиниот сектор.

Овој момент е можност и да фрлиме поглед напред, исполнет со надеж и очекувања дека во наредната 2015 година ќе продолжиме да чекориме по патот кон една побогата, просперитетна и среќна општина Македонски Брод.

Претстојните Новогодишни и Божиќни празници се убава можност да бидеме со нашите сакани, да поразговараме за она што го оставаме зад нас и да го прославиме доаѓањето на Новата 2015 година со многу надеж и ентузијазам.

Со желби за многу здравје, мир, љубов, толеранција, соработка и разбирање Ви посакувам СРЕЌНА НОВА 2015 ГОДИНА


                                                              Срдечно Ваш,

                                                             Градоначалник,

                                                           Милосим Војнески






Јазик Language

Македонски

Веб врски





























Најново видео

   
Снимка од пуштањето во употреба на мост во близина на село Могилец.

Facebook Фан страна

Календар на настани

Март 2017
П В С Ч П С Н
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Посетители

Денес15
Вчера87
Седмица205
Месец2222
Вкупно93500

од 4.11.2010 год.