Општина Македонски Брод ја објавува Одлуката за спроведување на стратегиска оцена за индустриска зона Барбарос. Комплетната Одлука можете да ја погледнете ТУКА.

Врз основа на член 32 став 2 од Одлуката за општински линиски превоз на патници во Македонски Брод број 07-322/11 од 31.03.2010 година, Општина Македонски Брод објавува

О Г Л А С

За распределба на возни редови за нови линии и промена на возни редови за одобрени линии по превозници

          Право на учество имаат сите превозници кои поседуваат лиценца за вршење на општински линиски превоз на патници издадена од Градоначалникот на Општина Македонски Брод.

          Постапката за доделување на возни редови за нови линии и промена на возни редови за одобрени линии ќе ја спроведе 3 (три) члена Комисија.

          Барањата за одобрување на возни редови за нови линии и промена на возни редови за одобрени линии се поднесуваат до Секторот за урбанизам, комунални дејности, локален економски развој и заштита на животната средина при Општина Македонски Брод најдоцна до 12.02.2016 година.

          Барањето за одобрување на возни редови за нови линии и промена на возни редови за одобрени линии може да се превземе од официјалната ВЕБ страна на општината.     

                                          Општина Македонски Брод                                                                  

                                                  Градоначалник,                                                                           

                                                Милосим Војнески

ИЗВЕСТУВАЊЕ

Општина Македонски Брод, Ве известува дека по објавениот повик за новогодишно украсување на дворовите во пресрет на Новата 2016 година, изврши избор на три, односно четири најубаво украсени дворови и објекти.

    Со задоволство констатираме дека најубаво украсени дворови и објекти се во сопственост на следните лица:

1 место: Румена Михајлоска, ул.„Иво Лола Рибар“ бр.1 М.Брод

2 место: Ленче Илијоска, ул.„Браќа Миладиновци“ бр.21 М.Брод и

             Марина Јованоска, ул.„7-ми Септември“ бб. М.Брод 

3 место: Оливер Цветкоски, ул.„Ѓуро Ѓаковиќ“ бр.1 М.Брод

Објава број 21/2015

за отуѓување на градежно земјиште, сопственост на Република Македонија по пат на електронско јавно надавање во Општина Македонски Брод

Комплетната Објава можете да ја погледнете и превземете ТУКА.

Аплицирањето се врши електронски на следната веб страна http://www.gradezno-zemjiste.mk/

Извештај од петтата форумска сесија

Петтата форумска сесија во рамки на буџетскиот процес во Општина Македонски Брод се одржа на 15.12.2015 година во просториите на ООУ „Св.Климент Охридски“ во присуство на околу 120 жители на оваа општина.

Програмата за изградба, реконструкција, одржување и заштита на локални патишта и улици и Програмата за изградба, реконструкција и одржување на водоводи, канализациони мрежи и собирање и одведување на атмосферски води беа избрани за најприоритетни во текот на реализацијата на Буџетот за 2016 година, а 31 проект во рамки на шест буџетски програми беа приоретизирани за реализација во наредната година.

Жителите на оваа општина гласаа за проектите: Проект за реконструкција на локалниот пат Р1106 до с.Долни Манастирец и доасфалтирање на кракот што води кон ресторанот „Извор“:Изградба на улица во с.Слатина од главниот пат до селската црква.Изработка на проектна документација за фекална канализација за с.Девич и Изработка на проектна документација за фекална канализација за населба Долни Звечан до н.м.Самоков.Изградба на локалниот пат од с.Модриште до с.Вир.Водоснабдување на селата Горно Зркле, Сушица, Инче, манастирот „Св.Богородица“ и селата Горни и Долни Манастирец и други.

На крајот на сесијата беше формирана работна група за следење на реализацијата на предлозите, препораките и проектите.